L.S. 601.03 · Taqsima I · Dispożizzjonijet Ġenerali

Regolament 9. Amministrazzjoni tal-proċess

Applikabilità

Test tal-verżjoni konsolidata. Data tad-dħul fis-seħħ: 27 ta’ Ġunju 2025. Fejn din il-paġna u legislation.mt ma jaqblux, jipprevali legislation.mt: test uffiċjaliIt-test Malti u dak Ingliż huma t-tnejn uffiċjali; f’każ ta’ kunflitt jipprevali t-test Malti. Din il-paġna turi t-test Malti.

(1) Mingħajr preġudizzju għall-applikabilità tad-dispożizzjonijiet l-oħra ta’ dawn ir-regolamenti, il-proċess ta’ akkwisti għal kuntratti pubbliċi:

(a) li l-valur stmat tagħhom hu inqas minn mija tlieta u erbgħin elf euro (€143,000), għandhom jinħarġu, jiġu amministrati u determinati mill-awtoritajiet kontraenti waħidhom mingħajr il-ħtieġa li jiġi involut id-Direttur;

(b) li l-valur stmat tagħhom hu daqs jew jeċċedi l-limitu ta’ mija tlieta u erbgħin elf euro (€143,000), għandhom jinħarġu, jiġu amministrati u determinati mid-Direttur f’isem l-awtorità kontraenti;

(ċ) li ġew ippubblikati mid-Direttorat għall-Akkwist Settorjali f’isem awtorità mniżżla taħt l-Iskeda 16, fejn il-valur stmat tagħhom jaqbeż l-għaxart elef euro (€10,000) iżda ma jaqbiżx is-seba' mija u ħamsin elf euro (€750,000) għandhom jiġu pubblikati, amministrati u determinati mid-Direttorat għall-Akkwist Settorjali weħidhom mingħajr il-ħtieġa li jiġi involut id-Direttur. Iżda fejn il-valur stmat tal-akkwist pubbliku ma jaqbiżx l-għaxart elef euro (€10,000) dan għandu jibqa’ jiġi mmexxi skont it-Taqsima III.

(2) Kuntratti pubbliċi meħtieġa minn dawk l-awtoritajiet kontraenti elenkati fl-Iskeda 3 għandhom jinħarġu, jiġu amministrati u determinati minn dawn l-awtoritajiet kontraenti waħidhom mingħajr il-ħtieġa tal-involviment tad-Direttur, mingħajr ħsara għad-dispożizzjonijiet ta’ dawn ir-regolamenti inkluż iżda mhux limitat għad-dritt ta’ appell.

(3) Il-Ministru għandu, minn żmien għal żmien, permezz ta’ regolamenti jiddetermina l-limiti applikabbli taħt dawn ir-regolamenti. Dawn il-limiti għandhom ikunu ugwali għal, u kategorizzati bl-istess mod, bħal-limiti stabbiliti skont id-Direttivi rilevanti tal-Unjoini Ewropea kif pubblikati minn żmien għal żmien fil-Ġurnal Uffiċjali tal-Unjoni Ewropea.

Emendat b’A.L. 26 tal-2018 · A.L. 196 tal-2020 · A.L. 56 tal-2021 · A.L. 26 tal-2022 · A.L. 361 tal-2024

Referenzi

Jirreferu għalih

7 8 13 16 17 20 24 25 34 45 61 73 76 101 116 157 183 225 237 241 244 246 247 248

Skedi li jirreferi għalihom

Skeda 3 Skeda 16

Fuq dan is-sit

Paġna:Kif isir dan is-sit Gwida:Min joħroġ is-sejħa: l-awtorità, id-Direttorat jew id-Direttur Mistoqsijiet:Min imexxi l-proċedura

Regolament ta’ qabel

8 — Kuntratti pubbliċi bejn entitajiet fis-settur pubbliku

Regolament li jmiss

10 — Direttu tal-Kuntratti

Trid li d-dokumenti tal-offerti tiegħek jiġu vverifikati qabel il-pubblikazzjoni? Nuruk kif tagħmel dan Procurelex Verifika.

Itlob dimostrazzjoni

Informazzjoni ġenerali dwar ir-Regolamenti dwar l-Akkwist Pubbliku fis-seħħ. Mhijiex parir legali.