Regolament 78. Twaqqif tal-Kumitat Speċjali tal-Kuntratti, għamla u modus operandi

(1) Meta l-Prim Ministru jiddetermina li l-aġġudikazzjoni ta’ offerti għall-għoti ta’ kuntratt partikolari teħtieġ kompetenza speċjali, abbiltà jew għarfien ieħor speċjalizzat, hu jista’ jaħtar Kumitat Speċjali tal-Kuntratti għall-għoti ta’ dak il-kuntratt pubbliku.

(2) Il-membri tal-Kumitat Speċjali tal-Kuntratti għandhom jinħatru għall-perijodu tal-proċess ta’ aġġudikazzjoni tas-sejħa partikolari għal offerti.

(3) Bla ħsara għad-dispożizzjonijiet tar-regolament 17(1)(b) id-dispożizzjonijiet tar-regolamenti 64 sa 72 għandhom mutatis mutandis japplikaw għall-Kumitat Speċjali tal-Kuntratti.