Regolament 65. Għamla

(1) Il-Kumitat Ġenerali tal-Kuntratti jkun magħmul mid-Direttur tal-Kuntratti, li jkun ex officio chairman, flimkien ma’ membri oħra li m’għandhomx ikunu inqas minn erbgħa iżda mhux aktar minn għaxra, li l-Prim Ministru jidhirlu li għandhom il-kwalifiki u l-esperjenza rilevanti.

(2) Matul l-assenza taċ-chairman jew l-inabilità taċ-chairman li jaġixxi, jew meta jkun hemm vakanza fil-kariga ta’ chairman, il-Prim Ministru jista’ jaħtar uffiċjal minn fost l-aktar uffiċjali anzjani fid-Dipartiment tal-Kuntratti biex jaġixxi bħala chairman tal-Kumitat Ġenerali tal-Kuntratti, biex jeżerċita s-setgħat kollha u jwettaq l-funzjonijiet kollha taċ-chairman.