L.S. 601.03 · Taqsima II · Bordijiet, Kumitati u Tribunali

Regolament 67. Tneħħija jew temm tal-kariga

Kumitat Ġenerali tal-Kuntratti

Test tal-verżjoni konsolidata. Data tad-dħul fis-seħħ: 27 ta’ Ġunju 2025. Fejn din il-paġna u legislation.mt ma jaqblux, jipprevali legislation.mt: test uffiċjaliIt-test Malti u dak Ingliż huma t-tnejn uffiċjali; f’każ ta’ kunflitt jipprevali t-test Malti. Din il-paġna turi t-test Malti.

(1) Kull membru tal-Kumitat Ġenerali tal-Kuntratti jista’ waqt li jkun fil-kariga jitneħħa mill-Prim Ministru meta dan ikun sodisfatt li jkun hemm każ ċar ta’ mġiba ħażina tal-membru jew inabilità li l-membru jwettaq il-funzjonijiet tiegħu jew meta jkunu jeżistu ċirkustanzi li jiskwalifikaw dak il-membru milli jibqa’ bħala membru tal-Kumitat Ġenerali tal-Kuntratti.

(2) Persuna tkun skwalifikata milli tinħatar jew milli tibqa’ membru Kumitat Ġenerali tal-Kuntratti jekk:

(a) tkun membru tal-Kamra tad-Deputati, jew tal-Parlament Ewropew jew ta’ Kunsill Lokali;

(b) jkollha tali interess finanzjarju jew interess ieħor li x’aktarx jippreġudika t-twettiq tal-funzjonijiet tagħha bħala membru tal-Kumitat Ġenerali tal-Kuntratti;

(ċ) tkun legalment inkapaċitata jew interdetta;

(d) tkun ġiet dikjarata falluta jew tkun għamlet komposizzjoni jew arranġament mal-kredituri tagħha; jew

(e) tkun instabet ħatja ta’ xi reat kontra l-fiduċja pubblika jew ta’ serq jew frodi, jew tkun xjentement laqgħet għandha proprjetà li tkun ġejja minn serq jew frodi.

(3) Membru tal-Kumitat Ġenerali tal-Kuntratti jista’ jirriżenja mill-kariga b’ittra indirizzata lill-Prim Ministru.

Referenzi

Jirreferu għalih

Regolament ta’ qabel

66 — Tul ta’ żmien tal-ħatra

Regolament li jmiss

68 — Żvelar ta’ interess

Trid li d-dokumenti tal-offerti tiegħek jiġu vverifikati qabel il-pubblikazzjoni? Nuruk kif tagħmel dan Procurelex Verifika.

Itlob dimostrazzjoni

Informazzjoni ġenerali dwar ir-Regolamenti dwar l-Akkwist Pubbliku fis-seħħ. Mhijiex parir legali.