Regolament 72. Funzjonijiet

(a) jagħti pariri fuq kull kwistjoni li tirrigwarda kuntratti pubbliċi, kif ukoll fuq l-akkwist pubbliku ta’ materjali, xogħlijiet u servizzi jew fuq inizjattiva tiegħu stess jew fuq kwistjonijiet speċifiċi li jistgħu minn żmien għal żmien jintbagħtu lilu għal parir mingħandu;

(b) jagħrbel rapporti u rakkomandazzjonijiet mogħtija minn awtoritajiet kontraenti u jagħmel rakkomandazzjonijiet definittivi għall-għoti ta’ kuntratti waqt li jiżgura li jintlaħaq l-aħjar valur għall-flus li jitħallsu bl-anqas prezz possibbli. Għal dan il-għan għandha tingħata konsiderazzjoni dovuta lil:

(i) in-nefqa finali inklużi spejjeż finanzjarji għall-awtorità kontraenti; u

(ii) l-impatt ta’ kull offerta fuq l-ispiża rikorrenti ta’ awtorità kontraenti;

(ċ) jirrapporta kull irregolarità li tista’ tinġieb għall-għarfien tiegħu jew li tista’ tiġi osservata fil-proċess ta’ offerti u jagħmel rakkomandazzjonijiet fuqhom lill-Ministru li taħtu taqa’ r-responsabbiltà għall-awtorità kontraenti konċernata;

(d) jittratta kwistjonijiet li, skont il-kuntratt, għandhom jiġu riferiti lilu, u jisma’ u jwettaq medjazzjoni fuq tilwim bejn awtoritajiet kontraenti, kif ikun il-każ, u kuntratturi, li jinqalgħu minn kuntratti pubbliċi;

(e) formalment jinvestiga lmenti li jirrigwardaw kuntratti pubbliċi u akkwisti pubbliċi u jagħmel rakkomandazzjonijiet dwarhom; u

(f) jassisti lid-Direttur fl-eżekuzzjoni tad-dmirijiet tiegħu skont dawn ir-regolamenti.