Regolament 51. Kamp ta’ applikazzjoni

(1) Fejn, skont ir-regolament 22(3) u (4), tkun applikabbli din it-Taqsima, id-Direttur għandu jieħu l-miżuri meħtieġa biex jiżgura li l-offerenti li ngħataw kuntratt li mhumiex awtoritajiet jew entitajiet kontraenti japplikaw ir-regoli stabbiliti fir-regolamenti 52 sa 54 meta jagħtu s-subkuntratti lil partijiet terzi.

(2) Għall-finijiet tas-subregolament (1), gruppi ta’ intrapriżi li jkunu ġew iffurmati biex jiksbu l-kuntratt jew intrapriżi relatati magħhom m’għandhomx ikunu meqjusa bħala partijiet terzi.

(3) L-offerent għandu jinkludi lista sħiħa ta’ impriżi bħal dawn fit-tressiq tal-offerta tiegħu. Il-lista għandha tkun aġġornata wara li jkun sar kwalunkwe tibdil fir-relazzjoni bejn l-impriżi.