L.S. 601.05 · Taqsima I · Dispożizzjonijiet Ġenerali

Regolament 12. Servizzi postali

Applikabbiltà

Test tal-verżjoni konsolidata. Data tad-dħul fis-seħħ: 1 ta’ Jannar 2024. Fejn din il-paġna u legislation.mt ma jaqblux, jipprevali legislation.mt: test uffiċjaliIt-test Malti u dak Ingliż huma t-tnejn uffiċjali; f’każ ta’ kunflitt jipprevali t-test Malti. Din il-paġna turi t-test Malti.

(1) Dawn ir-regolamenti għandhom japplikaw għal attivitajiet li għandhom x’jaqsmu mal-forniment ta’:

(a) servizzi postali;

(b) servizzi oħra minbarra servizzi postali, bil-kundizzjoni li servizzi bħal dawn ikunu pprovduti minn entità li tipprovdi wkoll servizzi postali fit-tifsira tas-subregolament (2)(b) u dment li l-kundizzjonijiet stabbiliti fir-regolament 24(1) u (2) mhumiex sodisfatti fir-rigward tas-servizzi li jaqgħu fi ħdan is-subregolament (2)(b).

(2) Għall-finjijiet ta’ dan ir-regolament u mingħajr preġudizzju għad-Direttiva 97/67/UE:

(a) "oġġett postali" tfisser oġġett indirizzat fil-forma finali li fiha għandu jinġarr, irrispettivament mit-toqol. Minbarra l-oġġetti ta’ korrispondenza, dawn l-oġġetti jinkludu wkoll pereżempju kotba, katalgi, gazzetti, perjodiċi u pakketti postali li jkun fihom merkanzija b’valur kummerċjali jew mingħajru, irrispettivament mit-toqol tagħhom;

(b) "servizzi postali" tfisser servizzi li jikkonsistu fil-ġbir, l-issortjar, il-ħruġ u t-tqassim ta’ oġġetti postali. Dan għandu jinkludi kemm is-servizzi li jaqgħu fi ħdan il-kamp ta’ applikazzjoni kif ukoll dawk li jaqgħu barra minnu tas-servizz universali stabbiliti f’konformità mad-Direttiva 97/67/KE;

(ċ) "servizzi oħra, għajr servizzi postali" tfisser servizzi pprovduti fl-oqsma li ġejjin

(i) servizzi ta’ ġestjoni tas-servizz tal-posta (servizzi li jseħħu qabel u wara d-dispaċċ, bħal servizzi ta’ ġestjoni tal-kamra tal-ittri);

(ii) servizzi li jikkonċernaw oġġetti postali li mhumiex inklużi fis-subregolament (2)(a), bħall-posta diretta mingħajr l-ebda indirizz.

Referenzi

Dan ir-regolament jirreferi għal

Jirreferu għalih

2 16 24 25 31 32 130

Regolament ta’ qabel

11 — Portijiet u ajruporti

Regolament li jmiss

13 — Estrazzjoni ta’ żejt u gass u esplorazzjoni għal, jew estrazzjoni ta’, faħam jew karburanti solidi oħra

Trid li d-dokumenti tal-offerti tiegħek jiġu vverifikati qabel il-pubblikazzjoni? Nuruk kif tagħmel dan Procurelex Verifika.

Itlob dimostrazzjoni

Informazzjoni ġenerali dwar ir-Regolamenti dwar l-Akkwist Pubbliku fis-seħħ. Mhijiex parir legali.