Regolament 44. Forma u mod ta’ pubblikazzjoni ta’ avviżi

(1) L-avviżi msemmija fir-regolamenti 41, 42 u 43 huma obbligatorji biss fir-rigward ta’ offerti li l-valur stmat tagħhom hu daqs jew jeċċedi l-limiti stabbiliti fl-Iskeda 9 fil-format ta’ forom standard, inklużi forom standard għal rettifiki.

(2) Dawn l-avviżi għandhom jitfasslu, jintbagħtu b’mezzi elettroniċi lill-Uffiċċju tal-Pubblikazzjonijiet tal-Unjoni Ewropea u ppubblikati u ppubblikati skont l-Iskeda 10.

(3) L-awtorità responsabbli għat-tmexxija tas-sejħa għandha tkun tista’ tipprovdi provi tad-dati li fihom jintbagħtu l-avviżi.

(4) Il-konferma dwar ir-riċevuta tal-avviż u tal-pubblikazzjoni tal-informazzjoni mibgħuta lill-Uffiċċju tal-Pubblikazzjonijiet tal-Unjoni Ewropea tikkostitwixxi prova tal-pubblikazzjoni.