L.S. 601.03 · Taqsima V · Aggregazzjoni ta’ Akkwist
Regolament 175. Regoli applikabbli
Sistemi Dinamiċi ta’ Xiri
(1) Sabiex isir akkwist taħt sistema dinamika ta’ xiri, l-awtoritajiet responsabbli għat-tmexxija tas-sejħa għandhom isegwu r-regoli tal-proċedura ristretta kif applikabbli.
(2) Il-kandidati kollha li jissodisfaw il-kriterji tal-għażla għandhom jitħallew jużaw is-sistema, u n-numru ta’ kandidati li għandhom jiġu ammessi għas-sistema ma għandux ikun limitat skont ir-regolament 237. Fejn l-awtoritajiet kontraenti jkunu qasmu s-sistema f’kategoriji ta’ prodotti, xogħlijiet jew servizzi skont ir-regolament 174(3), huma għandhom jispeċifikaw il-kriterji ta’ selezzjoni applikabbli għal kull kategorija.
(3) Minkejja d-dispożizzjonijiet tar-regolamenti 118 sa 122:
(a) il-limitu minimu ta’ żmien għar-riċevuta ta’ talbiet għal parteċipazzjoni għandu jkun ta’ tletin jum mid-data li fiha ntbagħat l-avviż dwar kuntratt lill-Uffiċċju tal-Pubblikazzjonijiet tal-Unjoni Ewropea jew meta s-sejħa għall-kompetizzjoni tiġi pubblikata, kif ikun il-każ. Ma għandu japplika ebda limitu ta’ żmien ieħor għar-riċevuta ta’ talbiet għal parteċipazzjoni ladarba l-istedina għal offerti għall-ewwel akkwist speċifiku taħt is-sistema dinamika ta’ xiri tkun intbagħtet;
(b) il-limitu minimu ta’ żmien għar-riċevuta tal-offerti għandu jkun ta’ għaxart ijiem mid-data li fiha tintbagħat l-istedina għall-offerta u r-regolament 121(2) u (3) m’għandux japplika.
Trid li d-dokumenti tal-offerti tiegħek jiġu vverifikati qabel il-pubblikazzjoni? Nuruk kif tagħmel dan Procurelex Verifika.
Itlob dimostrazzjoniInformazzjoni ġenerali dwar ir-Regolamenti dwar l-Akkwist Pubbliku fis-seħħ. Mhijiex parir legali.