Regolament 117. Eżami ta’ offerti fi proċeduri miftuħa

Fil-proċeduri miftuħa, l-awtoritajiet responsabbli għat-tmexxija tas-sejħa jistgħu jiddeċiedu li jeżaminaw l-offerti qabel ma jiġu vverifikati n-nuqqas ta’ raġunijiet għall-esklużjoni u l-issodisfar tal-kriterji ta’ għażla skont it-Taqsima VI u r-regolamenti 217, 226, 230, 231, 232, 233, 234 u 235. Fejn jagħmlu użu minn dik il-possibbiltà, huma għandhom jiżguraw li l-verifika tan-nuqqas ta’ raġunijiet għall-esklużjoni u l-issodisfar tal-kriterji ta’ għażla titwettaq b’mod imparzjali u trasparenti sabiex l-ebda kuntratt ma jingħata lil offerent li kellu jiġi eskluż skont it-Taqsima VI jew li ma jissodisfax il-kriterji ta’ għażla stipulati mill-awtoriità kontraenti.