Regolament 31. Avviżi

(1) L-awtoritajiet jew entitajiet kontraenti jistgħu jgħarrfu permezz ta’ avviż ta’ tagħrif minn qabel, ippubblikat mill-Kummissjoni jew minnhom stess fil-"profil tax-xerrej" tagħhom kif deskritt fil-punt 2 tal-Iskeda V:

(2) L-avviżi msemmija fis-subregolament (1) għandhom jintbagħtu lill-Kummissjoni jew ikunu ppubblikati fuq il-profil tax-xerrej mill-aktar fis possibbli wara li tittieħed id-deċiżjoni li tawtorizza l-proġett li għat-twettiq tiegħu l-awtoritajiet jew entitajiet kontraenti bi ħsiebhom jagħtu kuntratti jew jidħlu fi ftehim qafas.

(3) L-awtoritajiet jew entitajiet kontraenti li jippubblikaw l-avviż ta’ tagħrif minn qabel fuq il-profil tax-xerrej tagħhom, għandhom jibagħtu lill-Kummissjoni, b’mezz elettroniku, avviż dwar il-pubblikazzjoni ta’ avviż ta’ tagħrif fuq il-profil tax-xerrejfuq il-profil tax-xerrej, konformement mal-format u mal-proċeduri ta’ trasmissjoni indikati fil-punt 3 tal-Iskeda V.

(4) Il-pubblikazzjoni tal-avviżi msemmija fis-subregolament (1) għandha tkun obbligatorja biss fejn l-awtoritajiet jew entitajiet kontraenti jagħżlu li jqassru l-limiti ta’ żmien biex jirċievu offerti kif stipulat fir-regolament 33(4).

(5) Is-subregolamenti (1) sa (4) m’għandhomx japplikaw għall-proċeduri negozjati mingħajr pubblikazzjoni minn qabel ta’ avviż ta’ kuntratt.

(6) L-awtoritajiet jew entitajiet kontraenti li jixtiequ jagħtu kuntratt jew ftehim qafas billi jirrikorru għal proċedura ristretta, għal proċedura negozjata bil-pubblikazzjoni ta’ avviż jew għal djalogu kompetittiv għandhom jgħarrfu l-intenzjoni tagħhom permezz ta’ avviż ta’ kuntratt.

(7) L-awtoritajiet jew entitajiet kontraenti li taw kuntratt jew ikkonkludew ftehim qafas, għandhom jibagħtu avviż dwar ir-riżultati tal-proċedura tal-għoti sa mhux aktar tard minn tmienja u erbgħin jum wara l-għoti tal-kuntratt jew il-konklużjoni tal-ftehim qafas.

(8) Fil-każ ta’ strumenti ta’ ftehim qafas konklużi konformement mar-regolament 30, l-awtoritajiet jew entitajiet kontraenti m’għandhomx ikunu obbligati li jibagħtu avviż dwar ir-riżultati tal-għoti ta’ kull kuntratt ibbażat fuq dak il-ftehim.

(9) Ċerta informazzjoni dwar l-għoti tal-kuntratt jew il-konklużjoni tal-ftehim qafas tista’ ma tkunx ippubblikata fil-każ fejn l-iżvelar ta’ tali informazzjoni jista’ jkun ta’ ostaklu għall-applikazzjoni tal-liġijiet, imur kontra l-interess pubbliku, b’mod partikolari l-interessi ta’ difiża u, jew sigurtà, jew ikun ta’ ħsara għall-interessi kummerċjali leġittimi ta’ operaturi ekonomiċi pubbliċi jew privati, jew jista’ jagħmel ħsara lill-kompetizzjoni ġusta bejniethom.