L.S. 601.05 · Taqsima I · Dispożizzjonijiet Ġenerali

Regolament 7. Gass u tisħin

Applikabbiltà

Test tal-verżjoni konsolidata. Data tad-dħul fis-seħħ: 1 ta’ Jannar 2024. Fejn din il-paġna u legislation.mt ma jaqblux, jipprevali legislation.mt: test uffiċjaliIt-test Malti u dak Ingliż huma t-tnejn uffiċjali; f’każ ta’ kunflitt jipprevali t-test Malti. Din il-paġna turi t-test Malti.

(1) Sa fejn huma kkonċernati l-gass u t-tisħin, dawn ir-regolamenti għandhom japplikaw għall-attivitajiet li ġejjin:

(a) il-forniment jew it-tħaddim ta’ netwerks fissi maħsuba biex jipprovdu servizz lill-pubbliku b’rabta mal-produzzjoni, it-trasport jew id-distribuzzjoni ta’ gass jew tisħin;

(b) il-provvista ta’ gass jew tisħin lil dawn in-netwerks.

(2) Il-provvista, minn entità kontraenti li mhijiex awtorità kontraenti, ta’ gass jew tisħin lil netwerks li jipprovdu servizz lill-pubbliku, ma għandhiex titqies bħala attività rilevanti fit-tifsira tas-subregolament (1) fejn:

(a) il-produzzjoni ta’ gass jew tisħin minn dik entità konċernata hija l-konsegwenza inevitabbli li tirriżulta mit-twettiq ta’ attività, minbarra dawk imsemmija fis-subregolament (1) ta’ dan ir-regolament jew fir-regolamenti 8 sa 10;

(b) il-provvista lin-netwerk pubbliku għandha l-għan biss li tisfrutta ekonomikament din il-produzzjoni u tammonta għal mhux aktar minn għoxrin fil-mija tad-dħul tal-entità abbażi tal-medja fuq it-tliet snin preċedenti, inkluża s-sena kurrenti.

Referenzi

Dan ir-regolament jirreferi għal

8 9 10

Jirreferu għalih

2 6 8 9 16 20 24 25 31 32 130

Regolament ta’ qabel

6 — Dispożizzjonijiet komuni

Regolament li jmiss

8 — Elettriku

Trid li d-dokumenti tal-offerti tiegħek jiġu vverifikati qabel il-pubblikazzjoni? Nuruk kif tagħmel dan Procurelex Verifika.

Itlob dimostrazzjoni

Informazzjoni ġenerali dwar ir-Regolamenti dwar l-Akkwist Pubbliku fis-seħħ. Mhijiex parir legali.