L.S. 601.05 · Taqsima I · Dispożizzjonijiet Ġenerali

Regolament 40. Obbligi

Attivitajiet ta’ Xiri Ċentralizzati u Akkwist Konġunt

Test tal-verżjoni konsolidata. Data tad-dħul fis-seħħ: 1 ta’ Jannar 2024. Fejn din il-paġna u legislation.mt ma jaqblux, jipprevali legislation.mt: test uffiċjaliIt-test Malti u dak Ingliż huma t-tnejn uffiċjali; f’każ ta’ kunflitt jipprevali t-test Malti. Din il-paġna turi t-test Malti.

(1) Meta entità kontraenti twettaq l-akkwist tagħha taħt ir-regolament 39, dan għandu jitqies li ssodisfat l-obbligi tagħha taħt dawn ir-regolamenti.

(2) L-entità kontraenti wkoll tissodisfa l-obbligi tagħha skont dawn ir-regolamenti fejn takkwista xogħlijiet, provvisti jew servizzi:

(a) bl-użu ta’ kuntratti mogħtija minn korp ċentrali ta’ xiri;

(b) bl-użu ta’ sistemi dinamiċi ta’ xiri operati minn korp ċentrali ta’ xiri; jew

(ċ) bl-użu ta’ ftehim qafas konkluż minn korp ċentrali ta’ xiri li joffri l-attività ċentralizzata tal-akkwisti msemmija fil-paragrafu (b) tat-tifsira "attivitajiet ta’ xiri ċentralizzati" fir- regolament 2.

(3) Minkejja d-dispożizzjonijiet tas-subregolament (2), l-entità kontraenti konċernata għandha tkun responsabbli li tissodisfa l-obbligi tagħha skont dawn ir-regolamenti fir-rigward tal-partijiet li tmexxi hija stess, bħal:

(a) l-għoti ta’ kuntratt taħt sistema dinamika ta’ xiri, li tkun operata minn korp ċentrali ta’ xiri;

(b) it-twettiq tal-ftuħ mill-ġdid ta’ kompetizzjoni taħt ftehim qafas li jkun ġie konkluż minn korp ċentrali ta’ xiri.

(4) Il-proċeduri kollha ta’ akkwist immexxija minn korp ċentrali ta’ xiri għandhom jitwettqu bl-użu ta’ mezzi elettroniċi ta’ komunikazzjoni, skont il-ħtiġijiet stipulati fir-regolament 70.

(5) L-entitajiet kontraenti jistgħu jagħtu kuntratt ta’ servizz għall-provvista ta’ attivitajiet ta’ xiri ċentralizzati lil korp ċentrali ta’ xiri mingħajr l-applikazzjoni tal-proċeduri previsti f’dawn ir-regolamenti.

(6) Il-Kuntratti ta’ servizz pubbliku identifikati taħt is-subregolment (5) jistgħu jinkludu wkoll il-forniment ta’ attivitajiet ta’ xiri anċillari.

Referenzi

Dan ir-regolament jirreferi għal

2 39 70

Jirreferu għalih

172

Regolament ta’ qabel

39 — Attivitajiet ta’ xiri ċentralizzati u korp ċentrali ta’ xiri

Regolament li jmiss

41 — Akkwisti konġunti okkażjonali

Trid li d-dokumenti tal-offerti tiegħek jiġu vverifikati qabel il-pubblikazzjoni? Nuruk kif tagħmel dan Procurelex Verifika.

Itlob dimostrazzjoni

Informazzjoni ġenerali dwar ir-Regolamenti dwar l-Akkwist Pubbliku fis-seħħ. Mhijiex parir legali.