Regolament 39. Attivitajiet ta’ xiri ċentralizzati u korp ċentrali ta’ xiri

(1) L-entità kontraenti tista’ tikseb, provvisti u jew servizzi minn korp ċentrali ta’ xiri maħsuba għal entitajiet kontraenti.

(2) L-entitajiet kontraenti jistgħu jakkwistaw xogħlijiet, provvisti u servizzi billi jużaw kuntratti mogħtija minn korp ċentrali ta’ xiri, bl-użu ta’ sistemi dinamiċi tax-xiri operati minn korp ċentrali ta’ xiri jew bl-użu ta’ ftehim qafas konkluż minn korp ċentrali ta’ xiri li joffri l-attività ċentralizzata tal-akkwisti msemmija fil-paragrafu (b) tat-tifsira "attivitajiet ta’ xiri ċentralizzat" fir-regolament 2. Fejn sistema dinamika ta’ xiri li tkun operata minn korp ċentrali ta’ xiri tista’ tintuża minn entitajiet kontraenti oħrajn, dan għandu jiġi indikat fis-sejħa għal kompetizzjoni li tistabbilixxi dik is-sistema dinamika ta’ xiri.