Regolament 35. Dmir tal-awtorità kontraenti

(a) josservaw u jirrispettaw dawn ir-regolamenti;

(b) jamministraw l-akkwist tagħhom stess meta il-valur stmat ta’ dak l-akkwist jaqa’ taħt il-limitu stabbilit fir-regolament 30(1)(a);

(ċ) ifasslu dokumenti ta’ akkwist u d-okumentazzjoni relevanti kollha ta’ sostenn: Iżda meta awtorità kontraenti jkollha bżonn tippubblika proċess tal-akkwist b’valur stmat li jaqa’ taħt il-limitu stabbilit taħt ir-regolament 30(1)(b), l-awtorità kontraenti għandha tibgħat id-dokument ta’ akkwist u d-dokumentazzjoni relevanti kollha ta’ sostenn lid-Direttur sabiex dawn ikunu jistgħu jiġu miflija, ippubblikatu u amministrati mid-Direttur;

(d) jiżguraw li kull referenza għan-nomenklaturi fil-kuntest tal-akkwist pubbliku għandha ssir billi jintuża l-Vokabolarju Komuni dwar l-Akkwisti Pubbliċi;

(e) jippubblikaw is-sejħiet kollha għal offerti u kwotazzjonijiet, permazz ta’ pjattaforma tal-akkwist elettroniku tal-gvern, sakemm ma jkunx awtorizzat mod ieħor mid-Direttur bil-miktub;

(f) jissorveljaw l-implimentazzjoni tal-proċess tal-akkwist;

(g) jieħdu miżuri xierqa sabiex b’mod effettiv, jipprevjenu, jidentifikaw u jirrimedjaw konflitti ta’ interess li jirriżultaw fit-twettiq ta’ proċeduri tal-akkwist sabiex jiġi evitat kwalunkwe tgħawwiġ tal-kompetizzjoni u jiġi żgurat trattament ugwali għall-operaturi ekonomiċi kollha;

(h) jindikaw fid-dokumenti tagħhom ta’ akkwist li l-għoti ta’ kuntratt huwa soġġett għal proċedura ta’ reviżjoni kif stabbilit b’dawn ir-regolamenti u għandhom jinkludu estratt tal-parti rilevanti tal-proċess ta’ appell fl-imsemmija dokumenti sabiex jiġu gwidati l-operaturi ekonomiċi;

(i) li jamministraw u jimplimentaw il-kuntratti kollha iffirmati minnhom jew għan-nom tagħhom u li jiddefendu quddiem qorti jew tribunal kull tilwima li tista’ tqum fl-eżekuzzjoni tal-kuntratt;

(j) li jagħmlu l-pagamenti kollha li jirriżultaw mill-eżekuzzjoni tal-kuntratt;

(k) jieħdu l-miżuri xierqa sabiex jiżguraw li, matul l-eżekuzzjoni tal-kuntratt, l-operaturi ekonomiċi jikkonformaw mal-obbligi applikabbli fl-oqsma tal-liġi ambjentali, soċjali u tax-xogħol stabbiliti mid-dritt tal-Unjoni, il-liġi nazzjonali, ftehim kollettivi jew mid-dispożizzjonijiet tal-liġi internazzjonali ambjentali, soċjali u tax-xogħol elenkati fl-Iskeda 14: Iżda awtorità jew entitajiet kontraenti tista' tiddeċiedi li ma tagħtix kuntratt lill-offerent li jissottometti l-aħjar offerta fejn hija tkun stabbilixxiet li l-offerta ma tikkonformax mal-obbligi applikabbli msemmija f’dan il-paragrafu.

(l) jinnotifikaw lill-Kummissjoni, jekk il-Kummissjoni titlob hekk, l-informazzjoni li ġejja rigward l-applikazzjoni tar-regolament 31(1) u (6) u r-regolament 32:

(i) l-ismijiet tal-impriżi jew l-impriżi konġunti konċernati;

(ii) in-natura u l-valur tal-kuntratti involuti;

(iii) provi meqjusa bħala meħtieġa mill-Kummissjoni li juru li r-relazzjoni bejn l-impriża jew l-impriża konġunta li ngħataw il-kuntratti u l-entità kontraenti tikkonforma mar-rekwiżiti tar-regolament 31 jew 32.