Regolament 21. Difiża u sigurtà

(1) Dawn ir-regolamenti ma għandhomx japplikaw għal kuntratti li jaqgħu fl-iskop ta’ Regolamenti dwar l-Għoti ta’ Kuntratti Pubbliċi minn Awtoritajiet jew Entitajiet Kontraenti fl-Oqsma tad-Difiża u s-Sigurtà kif ukoll għall-kuntratti li għalihom l-imsemmija regolamenti ma japplikawx skont ir-regolamenti 9, 13 u 14 tiegħu.

(2) Kuntratti u kompetizzjonijiet ta’ disinn li mhumiex eżentati mod ieħor skont is-subregolment (1), sa fejn il-protezzjoni tal-interessi essenzjali tas-sigurtà ta’ Malta ma tkunx tista’ tiġi ggarantita permezz ta’ miżuri inqas intrużivi, pereżempju bl-impożizzjoni ta’ rekwiżiti mmirati għall-protezzjoni tan-natura kunfidenzjali ta’ informazzjoni li l-entità kontraenti tagħmel disponibbli fi proċedura ta’ għoti ta’ kuntratt kif previst f’dawn ir-regolamenti.

(3) Dawn ir-regolamenti japplikaw għal kuntratti u kompetizzjonijiet ta’ disinn li mhumiex eżentati mod ieħor skont is-subregolment (1) sa fejn l-applikazzjoni ta’ dawn ir-regolamenti tobbliga lill-Malta biex tagħti informazzjoni li hija tqis l-iżvelar tagħha bħala kontra l-interessi essenzjali tas-sigurtà tagħha.