Regolament 156. Użu ta’ irkant elettroniku f’modi oħra ta 'akkwist

(1) Fi proċeduri miftuħa jew proċeduri ristretti jew negozjati b’valur stmat li jaqa’ taħt ir-regolament 30(1)(b), l-entitajiet kontraenti jistgħu jiddeċiedu li l-għoti ta’ kuntratt għandu jiġi preċedut minn irkant elettroniku meta l-kontenut tad-dokumenti tal-akkwist, b’mod partikolari l-ispeċifikazzjonijiet tekniċi, jistgħu jiġu stabbiliti bi preċiżjoni.

(2) Fl-istess ċirkustanzi, irkant elettroniku jista’ jsir fil-ftuħ mill-ġdid ta’ kompetizzjoni fost il-partijiet għal ftehim qafas kif previst fir-regolamenti 145 u 146 u dwar il-ftuħ għal kompetizzjoni ta’ kuntratti li għandhom jingħataw taħt is-sistema dinamika ta’ xiri.