Regolament 211. Evalwazzjoni

Wara li jevalwa l-evidenza kollha u jikkonsidra s-sottomissjonijiet imressqa mill-partijiet, it-Tribunal għas-Sanzjonijiet Kummerċjali għandu jiddeċiedi jekk jaċċettax jew jiċħadx it-talba magħmula mid-Direttur tal-Impjiegi u r-Relazzjonijiet Industrijali għall-black listing tal-konvenut: Iżda t-Tribunal għas-Sanzjonijiet Kummerċjali, wara li jikkunsidra l-miżuri meħuda mill-konvenut sabiex jirrimedja s-sitwazzjoni u wara li jqis l-gravità u ċ-ċirkustanzi partikolari tar-reat jew l-aġir mhux xieraq, jista’, minflok ma jwettaq il-black listing tal-konvenut, jiddeċiedi li jagħti twiddiba lill-konvenut.