L.S. 601.09 · Taqsima III · Regoli dwar Prestazzjoni ta’ Kuntratti ta’ Konċessjoni

Regolament 94. Tmiem ta’ kuntratti ta’ konċessjoni

Tmiem ta’ Kuntratti ta’ Konċessjoni

Test tal-verżjoni konsolidata. Data tad-dħul fis-seħħ: 17 ta’ Mejju 2024. Fejn din il-paġna u legislation.mt ma jaqblux, jipprevali legislation.mt: test uffiċjaliIt-test Malti u dak Ingliż huma t-tnejn uffiċjali; f’każ ta’ kunflitt jipprevali t-test Malti. Din il-paġna turi t-test Malti.

(1) L-awtoritajiet kontraenti jistgħu itemmu kuntratt matul it-terminu tiegħu, meta:

(a) tkun saret modifika tal-konċessjoni li tkun teħtieġ proċedura ġdida ta’ għoti ta’ konċessjoni skont ir-regolament 85;

(b) il-konċessjonarju kien, fil-ħin tal-għoti tal-konċessjoni, f’waħda mis-sitwazzjonijiet imsemmija fir-regolament 192 tar-Regolamenti dwar l-Akkwist Pubbliku u għalhekk kellu jiġi eskluż mill-proċedura tal-għoti tal-konċessjoni;

(ċ) l-awtorità kontraenti jew l-entità kontraenti tat konċessjoni mingħajr ma kkonformat mal-obbligi tagħha taħt it-Trattati, 2014/23/UE tal-Parlament Ewropew u tal-Kunsill of 26 February 2014 dwar l-għoti ta’ kuntratti ta’ konċessjoni jew dawn ir-regolamenti;

(d) il-kuntrattur ifalli milli jwettaq kwalunkwe obbligu li ġie kkuntrattat għalih.

(2) Jekk l-awtorità kontraenti jew l-entità kontraenti ma jkollhiex raġuni valida għat-tmiem, hija għandha tikkumpensa lill-kuntrattur l-ispejjeż u x-xogħol kollu tiegħu u tħallsu s-somma stabbilita mill-qorti, skont iċ-ċirkostanzi, iżda s-somma ma għandhiex taqbeż is-somma tal-profitti li l-kuntrattur ikun għamel mill-kuntratt.

(3) Jekk l-awtorità kontraenti jew l-entità kontraenti jkollha raġuni valida għat-tmiem, hija għandha tħallas lill-kuntrattur, dik is-somma biss li ma ta taqbiżx l-ispejjeż u x-xogħol attwali ppruvati tal-kuntrattur.

(4) Kull ħlas li jkun sar bil-quddiem lill-kuntrattur qabel it-tmien tal-kuntratt għandu jiġu applikat għas-somma dovuta skont is-subregolamenti (2) jew (3) u l-kuntrattur għandu jrodd lura lill-awtorità kontraenti jew lill-entità kontraenti kull żejjed li jibqa’.

(5) Il-kuntratt għandu jintemm immedjatament meta l-awtorità kontraenti jew l-entità kontraenti tinforma lill-kuntrattur, b’kull mezz li jkun, tad-deċiżjoni tiegħu biex itemm il-kuntratt, u dan mingħajr il-ħtieġa ta’ xi awtorizzazzjoni u konferma minn xi qorti jew Bord.

Imsemmi fil-marġniL.S. 601.03

Referenzi

Dan ir-regolament jirreferi għal

Regolament ta’ qabel

93 — Tilwim fuq modifiki

Regolament li jmiss

95 — Avviżi ta’ konċessjoni

Trid li d-dokumenti tal-offerti tiegħek jiġu vverifikati qabel il-pubblikazzjoni? Nuruk kif tagħmel dan Procurelex Verifika.

Itlob dimostrazzjoni

Informazzjoni ġenerali dwar ir-Regolamenti dwar l-Akkwist Pubbliku fis-seħħ. Mhijiex parir legali.