Regolament 93. Tilwim fuq modifiki

(1) Tilwim, dwar jekk kompitu partikolari jifformax parti mill-kuntratt ta’ konċessjoni jew inkella jikkostitwixxi modifika lill-konċessjoni oriġinali bejn l-awtorità kontraenti jew l-entità kontraenti u l-konċessjonarju, ma għandhomx idewwmu jew jissospendu l-kontinwazzjoni tal-kuntratt ta’ konċessjoni, iżda l-konċessjonarju għandu d-dritt li jasserixxi t-talba tiegħu quddiem kwalunkwe qorti jew tribunal kontra l-awtorità kontraenti jew l-entità kontraenti sabiex jirċievi ħlas addizzjonali għal dak il-kompitu jekk jirriżulta li ma jifformax parti mill-kuntratt oriġinal ta’ konċessjoni.

(2) Din l-azzjoni għal kumpens addizzjonali mill-konċessjonarju għandha tkun preskritta bl-iskadenza ta' sentejn li għandhom jibdew mill-ġurnata meta l-konċessjonarju jsir jaf jew seta’ sar jaf bil-kompitu.