L.S. 601.09 · Taqsima I · Dispożizzjonijiet Ġenerali
Regolament 12. Functions u powers of id-Direttur
L-Uffiċċju tad-Direttur tal-Kuntratti
(1) Għall-finijiet ta’ dawn ir-regolamenti d-Direttur ikollu l-funzjoni li:
(a) jevalwa u japprova kull talba magħmula skont ir-regolament 16(1)(b) u (2);
(b) japprova l-ħatra tal-membri tal-kumitat ta’ evalwazzjoni wara rakkomondazzjoni mill-awtorità kontraenti jew mill-entità kontraent;
(ċ) jaħtar membri tal-Kumitat Speċjali tal-Kuntratti wara konsultazzjoni mal-awtorità kontraenti jew mal-entità kontraenti;
(d) iwettaq monitoraġġ fuq l-implimentazzjoni korretta u effiċjenti ta’ dawn ir-regolamenti;
(e) jagħti informazzjoni jew direzzjoni dwar l-interpretazzjoni u l-applikazzjoni ta’ dawn ir-regolamenti bla ħlas u sabiex jassisti awtoritajiet jew entitajiet kontraenti u operaturi ekonomiċi sabiex japplikaw b’mod korret dawn ir-regolamenti;
(f) jimplimenta t-Taqsima VI tar-Regolamenti tal-2016 dwar l-Akkwist Pubbliku ukoll fir-rigward ta’ dawn ir-regolamenti;
(g) jidentifika u jimplimenta mezzi xierqa biex ikun jista’ jissorvelja l-eżekuzzjoni xierqa tal-kuntratti mogħtija taħt dawn ir-regolamenti; u
(h) jagħmel u jibgħat rapport lill-Ministru, sa mhux aktar tard minn sitt xhur wara t-tmiem ta' kull sena finanzjarja, dwar il-prestazzjoni tal-Kumitat Speċjali tal-Kuntratti, matul is-sena finanzjarja eżaminata.
(2) Id-Direttur jista’ jimponi xi kundizzjonijiet li jidhirlu xierqa meta jagħti l-approvazzjoni għat-talba kif provdut is-subregolament (1)(a).
(3) Meta d-Direttur jew xi persuna ddelegata minnu tidentifika, permezz tal-attivitajiet ta’ monitoraġġ taħt is-subregolament (1)(d), ksur speċifiku, bħal frodi, korruzzjoni, kunflitt ta’ interess u irregolaritajiet serji oħra, jew problemi sistematiċi, huwa għandu jirrapporta dwar dan lill-awtorità xierqa.
(4) Id-Direttur għandu jippubblika rapport annwali li jiddettalja r-riżultati tal-attivitajiet ta’ monitoraġġ stabbiliti fis-subregolament (1)(d).
Referenzi
Dan ir-regolament jirreferi għal
Regolament ta’ qabel
11 — Direttur tal-Kuntratti u r-responsabbiltà
Regolament li jmiss
13 — Nuqqas ta’ osservanza ta’ dawn ir-regolamenti
Trid li d-dokumenti tal-offerti tiegħek jiġu vverifikati qabel il-pubblikazzjoni? Nuruk kif tagħmel dan Procurelex Verifika.
Itlob dimostrazzjoniInformazzjoni ġenerali dwar ir-Regolamenti dwar l-Akkwist Pubbliku fis-seħħ. Mhijiex parir legali.