Skeda 12. Informazzjoni li għandha tkun inkluża fl-Avviżi dwar Għoti ta’ Kuntratti

I. Informazzjoni għall-pubblikazzjoni f’Il-Ġurnal Uffiċjali tal-Unjoni Ewropea

1. L-isem, in-numru ta’ identifikazzjoni (fejn speċifikat fil-leġiżlazzjoni nazzjonali), l-indirizz inkluż il-kodiċi NUTS, it-telefon, in-numru tal-fax, l-indirizz tal-posta elettronika u l-indirizz fuq l-Internet tal-entità kontraenti u, fejn dan ikun differenti, tas-servizz li minnu tista’ tinkiseb informazzjoni addizzjonali.

2. L-attività ewlenija mwettqa

3. In-natura tal-kuntratt (provvisti, xogħlijiet jew servizzi u l-kodiċi CPV; fejn ikun adatt, iddikjara jekk hux ftehim qafas).

4. Tal-inqas, indikazzjoni mqassra tan-natura u l-kwantità tal-prodotti, xogħlijiet jew servizzi pprovduti.

5. (a) il-forma tas-sejħa għal kompetizzjoni (avviż dwar l-eżistenza ta’ sistema ta’ kwalifikazzjoni; avviż perjodiku; sejħa għal offerti);

(b) data/i u referenza/i tal-pubblikazzjoni tal-avviż f’Il-Ġurnal Uffiċjali tal-Unjoni Ewropea;

(ċ) fil-każ ta’ kuntratti mogħtija mingħajr sejħa għal kompetizzjoni minn qabel, indikazzjoni tad-dispożizzjoni rilevanti tar-tar-regolamenti 125 sa 127.

6. Proċedura tal-akkwist (miftuħa, ristretta jew negozjata).

7. Numru ta’ offerti li waslu, li jispeċifika:

(a) in-numru ta’ offerti li waslu minn operaturi ekonomiċi li huma SMEs;

(b) in-numru ta’ offerti li waslu minn barra l-pajjiż;

(ċ) in-numru ta’ offerti li waslu b’mod elettroniku.

Fil-każ ta’ għotjiet multipli (lottijiet, ftehimiet qafas multipli), din l-informazzjoni għandha tingħata għal kull għoti.

8. Id-data tal-konklużjoni tal-kuntratt(i) jew tal-ftehim qafas wara d-deċiżjoni li jingħata(w) jew jiġi/u konkluż(i).

9. Il-prezz imħallas għax-xiri bi prezz negozjat skont ir-regolament 127(g).

10. Għal kull għoti, l-isem, l-indirizz inkluż il-kodiċi NUTS, it-telefon, in-numru tal-fax, l-indirizz tal-posta elettronika u l-indirizz fuq l-Internet tal-offerent magħżul, inkluża:

(a) informazzjoni dwar jekk l-offerent magħżul huwiex SME;

(b) informazzjoni dwar jekk il-kuntratt ingħatax lil konsorzju.

11. Fejn adatt, dikjarazzjoni dwar jekk il-kuntratt ġiex sottokuntrattat jew jistax jiġi sottokuntrattat.

12. Il-prezz imħallas jew il-prezzijiet tal-ogħla u l-inqas offerti meħuda f’kunsiderazzjoni fl-għoti tal-kuntratt.

13. L-isem u l-indirizz tal-korp responsabbli għall-appell u, fejn adatt, li-proċeduri ta’ medjazzjoni. L-informazzjoni preċiża li tikkonċerna l-limitu ta’ żmien biex jitressqu appelli, jew, jekk ikun hemm il-bżonn, l-isem, l-indirizz, in-numru tat-telefon, in-numru tal-fax, u l-indirizz tal-posta elettronika tas-servizz minn fejn tista’ tinkiseb din l-informazzjoni.

14. Informazzjoni fakultattiva:

- il-valur u s-sehem tal-kuntratt li ġie sottokuntrattat jew li jista’ jiġi sottokuntrattat lil partijiet terzi;

- il-kriterji tal-għoti.

II. L-informazzjoni mhijiex maħsuba għall-pubblikazzjoni

15. In-numru ta’ kuntratti mogħtija (fejn l-għoti jinqasam bejn diversi fornituri).

16. Il-valur ta’ kull kuntratt mogħti.

17. Il-pajjiż tal-oriġini tal-prodott jew tas-servizz (oriġini Komunitarja jew oriġini non-Komunitarja; jekk tal-aħħar, imqassma skont il-pajjiż terz).

18. Liema kriterji tal-għoti ntużaw?

19. Il-kuntratt ingħata lil offerent li ppreżenta varjant skont ir-regolamenti 175(1) sa (3)?

20. Kien hemm xi offerti li ġew esklużi għar-raġuni li kienu baxxi wisq, f’konformità mar-regolament 174.

21. Id-data ta’ trażmissjoni tal-avviż mill-entità kontraenti.