Regolament 94. Limitu ta’ żmien għar-riċevuta ta’ talbiet

(1) Bħala regola ġenerali, il-limitu minimu ta’ żmien għar-riċevuta ta’ talbiet għal parteċipazzjoni għandu jiġi ffissat għal mhux inqas minn tletin jum mid-data li fiha ntbagħatet l-istedina għall-konferma tal-interess u fl-ebda eventwalità ma jista’ jkun inqas minn ħmistax-il ġurnata skont il-każ.

(2) Meta l-valur stmat tal-proċedura ristretta tilħaq jew taqbeż il-valuri stabbiliti fl-Iskeda 5, il-limitu ta’ żmien stabbilit fis-subregolament (1) għandu jibda jiddekori mid-data li fiha nbagħat l-avviż ta’ kuntratt lill-Uffiċċju tal-Pubblikazzjonijiet tal-Unjoni Ewropea.