L.S. 601.09 · Taqsima I · Dispożizzjonijiet Ġenerali

Regolament 7. Esklużjonijiet speċifiċi fil-qasam tal-ilma

Applikabbiltà

Test tal-verżjoni konsolidata. Data tad-dħul fis-seħħ: 17 ta’ Mejju 2024. Fejn din il-paġna u legislation.mt ma jaqblux, jipprevali legislation.mt: test uffiċjaliIt-test Malti u dak Ingliż huma t-tnejn uffiċjali; f’każ ta’ kunflitt jipprevali t-test Malti. Din il-paġna turi t-test Malti.

(1) Dawn ir-regolamenti ma għandhomx japplikaw għal konċessjonijiet mogħtija għal -

(a) il-forniment jew it-tħaddim ta’ netwerks fissi maħsuba biex jipprovdu servizz lill-pubbliku b’rabta mal-produzzjoni, it-trasport jew id-distribuzzjoni ta’ ilma tajjeb għax-xorb;

(b) il-provvista ta’ ilma tajjeb għax-xorb lil tali netwerks.

(2) Dawn ir-regolamenti ma għandhomx japplikaw ukoll għal konċessjonijiet b’wieħed, jew it-tnejn, mis-suġġetti li ġejjin meta huma jkunu konnessi ma’ attività msemmija fis-subregolament (1):

(a) proġetti ta’ inġinerija idrawlika, irrigazzjoni jew dranaġġ tal-art, dment li l-volum ta’ ilma li għandu jintuża għall-provvista ta’ ilma tajjeb għax-xorb ikun jirrappreżenta aktar minn għoxrin fil-mija tal-volum totali ta’ ilma mqiegħed għad-dispożizzjoni minn dawk il-proġetti jew minn stallazzjonijiet għall-irrigazzjoni jew id-dranaġġ; jew

(b) ir-rimi jew it-trattament tad-dranaġġ.

Regolament ta’ qabel

6 — Nuqqas ta’ applikabbiltà fil-qasam tal-komunikazzjonijiet elettroniċi

Regolament li jmiss

8 — Esklużjoni ta’ attivitajiet li huma direttament esposti għall-kompetizzjoni

Trid li d-dokumenti tal-offerti tiegħek jiġu vverifikati qabel il-pubblikazzjoni? Nuruk kif tagħmel dan Procurelex Verifika.

Itlob dimostrazzjoni

Informazzjoni ġenerali dwar ir-Regolamenti dwar l-Akkwist Pubbliku fis-seħħ. Mhijiex parir legali.