L.S. 601.09 · Taqsima II · Il-Proċess

Regolament 63. Kunfidenzjalità

Twaqqif tal-proċedura

Test tal-verżjoni konsolidata. Data tad-dħul fis-seħħ: 17 ta’ Mejju 2024. Fejn din il-paġna u legislation.mt ma jaqblux, jipprevali legislation.mt: test uffiċjaliIt-test Malti u dak Ingliż huma t-tnejn uffiċjali; f’każ ta’ kunflitt jipprevali t-test Malti. Din il-paġna turi t-test Malti.

(1) Sakemm ma jiġix previst mod ieħor f’dawn ir-regolamenti jew fid-dritt nazzjonali li għaliha l-awtorità kontraenti jew l-entità kontraenti tkun soġġetta, b’mod partikolari leġiżlazzjoni li tikkonċerna l-aċċess għal informazzjoni, u mingħajr ħsara għall-obbligi relatati mar-reklamar ta’ kuntratti ta’ konċessjoni mogħtija u mal-informazzjoni għal kandidati u offerenti stabbiliti fir-regolamenti 80 u 96, l-awtorità kontraenti jew l-entità kontraenti m’għandhiex tiżvela informazzjoni mgħoddija lilha minn operaturi ekonomiċi li huma indikaw bħala kunfidenzjali, inklużi, iżda mhux limitati għal, sigrieti tekniċi jew kummerċjali u l-aspetti kunfidenzjali tal-offerti.

(2) Mingħajr ħsara għal dak imsemmi f'dawn ir-regolamenti, l-informazzjoni li ġejja m'għandhiex tiġi kkunsidrata bħala kunfidenzjali:

(a) l-isem tal-offerenti u l-ismijiet individwali tal-membri ta’ grupp ta’ operaturi ekonomiċi li jkunu ppreżentaw offerta parikolari;

(b) l-isem tas-subkuntratturi;

(ċ) id-dokumentazzjoni ppreżentata operaturi ekonomiċi li tiċċertifika li dawn jikkonformaw mal-kriterji tal-għażla; u

(d) l-informazzjoni teknika li hija diġà pubblika.

Referenzi

Dan ir-regolament jirreferi għal

80 96

Jirreferu għalih

64 66

Regolament ta’ qabel

62 — Garanziji proċedurali

Regolament li jmiss

64 — Żvelar ta’ informazzjoni mhux kunfidenzjali

Trid li d-dokumenti tal-offerti tiegħek jiġu vverifikati qabel il-pubblikazzjoni? Nuruk kif tagħmel dan Procurelex Verifika.

Itlob dimostrazzjoni

Informazzjoni ġenerali dwar ir-Regolamenti dwar l-Akkwist Pubbliku fis-seħħ. Mhijiex parir legali.