Regolament 116. Deċiżjoni tal-Bord ta’ Reviżjoni dwar il-Kuntratti Pubbliċi

(1) Jekk il-Bord ta’ Reviżjoni dwar il-Kuntratti Pubbliċi jiddikjara kuntratt ineffettiv, huwa għandu jimponi pieni fuq l-awtorità kontraenti jew l-entità kontraenti wara li jevalwa, fid-deċiżjoni tiegħu l-fatturi rilevanti kollha, inkluża l-gravità tal-ksur u l-imġiba tal-awtorità kontraenti jew tal-entità kontraenti.

(2) Il-Bord ta’ Reviżjoni dwar il-Kuntratti Pubbliċi ma jistax jikkunsidra kuntratt ineffettiv, minkejja li jkun ingħata illegalment għar-raġunijiet imsemmija fir-regolament 113, jekk il-Bord ta’ Reviżjoni dwar il-Kuntratti Pubbliċi isib, wara li jkun eżamina l-aspetti rilevanti kollha, li ħtiġijiet aktar importanti relatati mal-interess ġenerali jeħtieġu li l-effetti tal-kuntratt għandhom jinżammu.