Regolament 7. Obbligi ta’ kunfidenzjalità tal-awtoritajiet jew entitatijiet kontraenti

Mingħajr preġudizzju għad-dispożizzjonijiet ta’ dawn ir-regolamenti, notevolment dawk relatati mal-obbligi tar-reklamar tal-kuntratti mogħtija u tal-għoti ta’ informazzjoni lill-kandidati u offerenti dwar id-deċiżjonijiet tagħha kif previst fir-regolamenti 33(3) u 36, u konformement mal-liġi nazzjonali li għaliha tkun suġġetta l-awtorità jew entità kontraenti, partikolarment leġislazzjoni dwar aċċess għal informazzjoni, l-awtorità jew entità kontraenti, suġġetta għad-drittijiet kuntrattwali miksuba, m’għandhiex tagħti t-tagħrif li l-operaturi ekonomiċi jkunu kkomunikawlha b’mod kunfidenzjali; informazzjoni bħal din tinkludi, partikolarment, sigrieti tekniċi jew kummerċjali u l-aspetti kunfidenzjali tal-offerti.