# L.S. 601.05, regolament 106. Limitu ta’ żmien għar-riċevuta ta’ talbiet

- URL: https://procurelex.mt/mt/utilitajiet/106 · English: https://procurelex.mt/en/utilities/106
- Regolamenti dwar Akkwist Pubbliku ta’ Entitajiet li joperaw fis-Setturi tas-Servizzi tal-Ilma, l-Enerġija, it-Trasport u Postali (L.S. 601.05), consolidated version in force from 2024-01-01; official text (prevails): https://legislation.mt/eli/sl/601.5/mlt

(1) Bħala regola ġenerali, il-limitu ta’ żmien minimu għar-riċevuta ta’ talbiet għal parteċipazzjoni għandu jkun tletin ġurnata mill-pubblikazzjoni tas-sejħa għal kompetizzjoni. Huma biss dawk l-operaturi ekonomiċi mistiedna mill-entità kontraenti wara l-evalwazzjoni tal-informazzjoni mogħtija li jistgħu jipparteċipaw fil-proċedura. L-entitajiet kontraenti jistgħu jillimitaw in-numru ta’ kandidati adatti li għandhom jiġu mistiedna jipparteċipaw fil-proċedura skont ir-regolament 165(2). Il-kuntratt għandu jingħata fuq il-bażi unika tal-kriterju tal-għoti tal-offerta li tippreżenta l-aqwa bilanċ bejn il-prezz u l-kwalità skont ir-regolament 170(2) u (3).
(2) Meta l-valur stmat tal-isħubija għall-innovazzjoni jilħaq jew jaqbeż il-valuri stabbilit fl-Iskeda 5 il-limitu ta’ żmien stabbilit fis-subregolament (1) jibda jiddekorri mid-data li fiha l-avviż tal-kuntratt ikun inbagħat lill-Uffiċċju tal-Pubblikazzjonijiet tal-Unjoni Ewropea.