# L.S. 601.07, regolament 25. Obbligi relatati mat-taxxa, il-protezzjoni tal-ambjent, id-dispożizzjonijiet għal protezzjoni tal-impjieg u l-kondizzjonijiet tax-xogħol

- URL: https://procurelex.mt/mt/difiza/25 · English: https://procurelex.mt/en/defence/25
- Regolamenti dwar l-għoti ta’ kuntratti pubbliċi minn awtoritajiet jew entitajiet kontraenti fl-oqsma tad-difiża u s-sigurtà (L.S. 601.07), consolidated version in force from 2011-10-25; official text (prevails): https://legislation.mt/eli/sl/601.7/mlt

(1) L-awtorità jew entità kontraenti tista’ tindika jew tkun obbligata mid-Direttur biex tindika fl-ispeċifikazzjonijiet, il-korp jew il-korpi li mingħandhom il-kandidati jew l-offerent jistgħu jiksbu informazzjoni rilevanti fir-rigward tal-obbligi relatati mat-taxxa, il-protezzjoni tal-ambjent, id-dispożizzjonijiet għall-protezzjoni tal-impjieg u l-kondizzjonijiet tax-xogħol li huma fis-seħħ f’Malta, fir-reġjun, fil-lokalità jew fil-pajjiż terz li fih is-servizzi jridu jitwettqu u li għandhom ikunu applikabbli għax-xogħlijiet imwettqa fuq is-sit jew għas-servizzi pprovvduti matul l-eżekuzzjoni tal-kuntratt.
(2) L-awtorità jew entità kontraenti li tipprovdi l-informazzjoni msemmija fis-subregolament (1) għandha titlob lill-offerenti biex jindikaw li huma kienu ħadu f’konsiderazzjoni, meta fasslu l-offerta tagħhom, l-obbligi relatati mad-dispożizzjonijiet ta’ protezzjoni tal-impjieg u l-kondizzjonijiet tax-xogħol fis-seħħ fil-post fejn ikunu ser isiru x-xogħlijiet jew fejn is-servizz ikun ser jiġi pprovdut.
(3) Is-subregolament (1) għandu jkun bla ħsara għall-applikazzjoni tar-regolament 50 li jikkonċerna l-eżami ta’ offerti anormalment baxxi.